好似係2年前？家人送我dyson無線直板夾，但我都未試用過....又係嘅～擺响度我都覺浪費，應一早旋轉拍賣嘛～
唔用既原因：
比其他工具，我唔算擅長用直板夾；
因為內有電池，好重；又大把，覺得唔靈活；
只要額外配用拉直梳, 任何平價直板都一定直；
本身有個鎖可合埋隻夾，拎出街唔掗拃，點知唔work，咁就一路都係"人"字咁打開隻夾，點拎啫～
唔中意粉紅色(當睇唔順眼時，佢擺响度都係錯～)
某日同藍姐傾計，佢話只有呢塊至夾得柔亮，顛覆左"買硬件送技巧"呢句，話最值錢係包覆性彎曲面板呢個專利，唔係邊得咁值錢？我同意佢嗰句.....
只要頭髮夾得靚夾得亮，氣質自然有。
咁就拎返出黎開光啦，又真係易拖行，拖完係有光澤，開晒位都有改善，神怪係個鎖無事了(真心提問係咪要熱左至鎖得架？)。可用半小時， 拖直成頭夠有突，除非手腳慢。。。。
雖然繼續藐佢粉紅色同重，但我會拎去外妝既。（好彩無賣）