呢個髮型係網友 inbox 我嘅求助個案，今堂就一步步拆解俾大家睇。由吹順毛流、提根開始，講解瀏海區、頂區同側區點樣分區，同埋點樣令各區自然過渡，同時整出高顱頂。 兩股辮部分會教你點樣攤開紋理遮頭肉，唔使疊辮；手卷髻就示範點樣配合啫喱、U夾同一字夾，就算頭髮好厚都可以固定得穩陣。最後再教你用小瀏海遮髮際線同太陽穴，修飾臉型，整出乾淨又有弧度嘅編髮造型。

披髮造型自然柔美，一直都係好多女生鍾意嘅選擇。今堂會由分區同髮墊運用開始，逐步示範點樣打造立體又耐看嘅造型，適合想提升新娘髮型技巧嘅在職化妝師。 今款造型嘅重點包括： ・高顱頂：善用髮墊增加頭頂高度，修飾頭型比例。 ・飽滿後腦：以花髻營造自然弧度，令頭型更立體。 ・半透明瀏海修飾臉型：透過髮絲分佈同弧度，柔化面部線條，令五官更顯精緻。 ・耳邊髮片修飾輪廓：柔化顴骨線條，視覺上更顯臉細。 ・溫柔披髮感：配合自然線條，打造柔美、有女人味嘅造型。 課堂亦會示範髮片毛流、捲度同定型技巧，令造型更整齊持久。想為新娘造型增添更多變化，就一齊線上學習！

幫媽媽做造型最怕髮量稀薄又顯老？及肩短髮更常遇到髮腳難收、盤起顯臉大的痛點！這堂課教你跳出死板框架，精準拿捏長輩最愛的減齡蓬鬆比例。 三大核心技法吹風髮流矯正：透過提根與錯層技巧，無痛打造豐盈空氣感，快速修飾臉型。 法式優雅盤髮：隱形藏髮與側區過渡，巧妙修飾髮際線、山羊角及額頭紋理。 鬆弛感中高髻：告別厚重低髻，建立立體高顱頂，視覺拉長頸部線條超顯瘦。 掌握手感邏輯，短髮也能做出高質感貴氣造型，快來解鎖媽媽客實戰密碼！

最怕遇到客人生得額高、顱頂扁塌，紮完高髻正面睇依然「貼頭」顯面大？長瀏海想減齡好吃力？ 今課破解呢個樽頸位，唔靠盲目推高髻，用技巧打造完美「頭包臉」同高顱頂！ 重點內容包括： * 精準加高顱頂：拆解髮墊同倒刮嘅黃金比例； * 無痕假瀏海融合：假瀏海修飾高額與山羊角，自然過渡真假髮流； * 質感三股辮高髻：細緻抽絲與空氣感處理，拒絕毛燥。

抽紋理抽到好沮喪？ 線條唔立體、愈抽愈亂、成頭毛燥？ 今課專為你而拍——分享一個同以往好唔同嘅做法：用把梳做支撐，趁髮片仲打開未固定，預先抽好紋理，先至固定落頭皮。咁樣抽出嚟嘅線條更乾淨立體，唔會抽埋一堆多餘碎髮。 另外，抽線條髮型講究飽滿度，但倒刮令到底層亂晒。今次改用髮墊打底，減少倒刮，同時做到高顱頂同乾淨紋理，唔使再二選一。 由吹風打底到抽絲定型，一步步拆解。想升呢你嘅高髻技術，睇到最後。

看似簡單嘅辮子髻往往考功力！點解人哋梳得咁貼服飽滿，自己整就容易扁塌，甚至梳順表面但底層嘅倒刮就一齊梳走埋？今期影片會同大家拆解呢個高級感低髻背後嘅隱藏技巧，由點樣避開令頭型變方嘅地雷，到揀產品嘅秘訣！仲會分享點樣利用假髮片同髮棉，幫你喺趕時間嘅 Big Day 既慳時間又整到完美髮量效果。