top of page

放飛

僅僅嗜好是按摩、煲劇、食甜品(睇營養師中,要戒甜,無埋。。。)

疫情前對放假有儀式感,去旅行才算放假,

一般東南亞,不用plan行程,最愛泰國!


封關期間沒怎"放假";通關後開始養貓,捨不得離開。

但見身邊人一個個外遊,有時都頗羨慕。


上月陪外地來的化妝師朋友遊深圳,

久違多年,改觀了,至少市面上企理多 。

食方面選擇多(如果敢食的話);

上心否就不理啦,但服務上很足夠。

我們做了水療、逛化妝品店、飲珍奶....開心啊,一來相聚,二來很久未放鬆...


之後自己似"雞蟲",常心思思北上....不久就獨自去了。


不找伴?結伴有結伴好玩,但若想真放鬆,連伴都不想顧啦,最自在是按自己既步伐心意,放飛自我。


攻略是沿地鐵線搜 ,食到邊玩到邊。。。



 


頭療@沐沐青絲/崗廈站

剪頭髮最享受是洗頭部份,按多兩下是bonus;於小紅書發現有頭療,躍躍欲試蠻久...

選擇原因:多間分店,估流程配套應成熟,踩雷機會少點吧?用家照片內顯示環境企理

用後感: 中藥味怪怪的,若水溫高些更好,但可能怕傷頭皮吧?無造型服務,如果本身髮型難搞,記得自備帽;免小費,無硬sell。緊貼地鐵站口,好方便。

費用: ¥212

回頭率:應唔會,不如試下其他


 


蟹粉麵@蟹興記/后海站

總覺得蟹粉蟹肉等等是難得,人手拆喎,多麼的大碗蟹粉當真未食過。

選擇原因:以為只此呢間

食後感:巧巧味,除蟹粉外,其他例如麵或伴菜任添(可惜我無添)

費用: ¥98

回頭率:應唔會,不如試下其他


街邊買杯$20咖啡趕去下一站飲,味道不錯。


 


按腳+修腳@兔兔修腳吧/后海站

自從多年前廣州試過,難忘,光滑嘅腳踭啊~ 腳甲批成一粒粒貝殼般喎。

選擇原因:隨便搜最近

用後感:按腳力度位置準,批得又靚,免小費,但不喜歡sell我treatment

費用:¥225

回頭率:應唔會,不如試下其他


 


採耳@樂耳采耳/后海站

本身無耳垢耳癢之擾,曾在香港做過,今次純粹想體驗下分別。

選擇原因:隨便搜最近

用後感:環境幽靜乾淨,手法就一般,過程無令人放鬆,感覺撩得不夠深入,無洗耳道;不過按頭時有一刻睡著,免小費

費用:¥138

回頭率:應唔會,不如試下其他


 


整手機@華強北

像先達隨意㨂一檔,無格價無講價¥180換屏


 

總括來說,無須plan行程或預約,以往旅行前打點或趕工,總有點精神緊張;落機後要小休及悵然若失....現即日來回,不怎舟居勞頓;消費便宜,夫復何求。


始終外地消費,獨行萬事小心啦,萬一有意外如被盗或受傷,留意自身保險有沒有保障到。多年前曾在深圳被割背包,證件都沒有,唯有留一晚,翌日再搞証件,又徬徨又煩~ 再想想,感謝當時義氣的step陪我過了一晚。

82 次查看0 則留言

最新文章

查看全部

新址

Comments


bottom of page